Туристичките патувања во вселената се сѐ поблиску, барем ако може да му се верува на првиот човек на SpaceX, Илон Маск. Тој планира да ги направи туристичките патувања во вселената достапни за сите, или барем за најголемиот дел од заинтересираните.
Како што пренесува Space.com, Илон Маск планира да ја намали цената за патување во вселената од 152 милиони долари колку што чини сега, на само два милиони. И тоа, користејќи го леталото Starship кое има капацитет од 100 патници и може да се користи неколку пати.
Маск појасни дека стигнал до бројката од 2 милиони долари – 900 илјади за гориво и 1,1 милион за дополнителни трошоци поврзани со патувањето во вселената.
Но, иако Маск е на добар пат да направи ракета која може да се користи за неколку вселенски патувања, како што тоа го демонстрираше со капсулата Crew Dragon, сепак ќе мора да бидат исполнети уште цела низа на предуслови пред навистина да испрати луѓе кон вселената по пониска цена.
Маск инаку е познат по спектакуларните објави, но иако најчесто го остварува најавеното, често неговите планови „спектакуларно пропаѓаат“. Ќе видиме во која насока ќе оди оваа негова најава.
