22 години помладата партнерка на популарниот актер Метју Пери, конечно го кажала судбоносното „да“.
Иако се шпекулираше дека славниот актер Метју Пери во месец мај ја прекинал врската со 29-годишната менаџерка Моли Хорвиц, парот проблемите ги оставил зад себе и сега одлучиле да се венчаат.
Инаку, парот е во врска од 2018-та година, а првпат заедно во јавноста биле забележани во текот на 2019-та година.
„Моли и Метју поминуваат многу време заедно. Таа има чудна смисла за хумор и веднаш 'кликнаа'. Не е заинтересирана за слава и не сака забави, што е многу добро за Метју“, раскажал на почетокот на нивната врска пријател близок до парот.
29-годишната Моли му била голема поддршка на Метју во борбата против зависноста од алкохолот и дрогата.
Сега, како што објавил магазинот „People“, популарниот Чендлер од серијата „Пријатели“ ја запросил Моли и таа кажала „да“.
„Се верив, за среќа во врска сум со најдобрата жена на планетата во овој момент“, изјавил познатиот актер.