Во домот на Кејлин Конвеј, некогашна советничка на американскиот претседател Доналд Трамп се одвива вистинска драма, откако на нејзиниот профил на социјалната мрежа Твитер осамна топлес фотографија од нејзината 16-годишна ќерка Клаудија.
Тинејџерката која има само 16 години на почетокот помислила дека нејзината мајка ја пронашла фотографијата во телефонот и ја објавила на интернет. Набрзо на ТикТок се појави видео на Клаудија, која со солзи на очите ја нападна својата мајка.
„Фотографијата е реална, направена е пред неколку месеци. Мислам дека мајка ми го зела мојот телефон, а тоа редовно го прави, ја зела фотографијата и случајно ја објавила, или некој ја хакирал. Како и да е, никој и никогаш не би ја имал таа фотографија, никогаш. Така да, Кејлин, одиш во затвор“, изјави Клаудија.
Недолго потоа снимката беше избришана, а се појавија низа на други снимки во кои тинејџерката потоа ја брани својата мајка. Сега е уверена дека некој го хакирал профилот на Кејлин и порача дека одредено време ќе се повлече од социјалните мрежи за да „го изгради односот со неа“.
Таа ги замоли своите следбеници на социјалните мрежи да престанат да го пријавуваат случајот во полиција.
„Социјалните мрежи се едно мрачно место и наместо да ја расветлат целата ситуација, тие поттикнуваат насилство и омраза, а тоа не го сакаме ниту јас, ниту мајка ми“, изјави Клаудија.
„Верувам и знам дека мојата мајка никогаш не би објавила такво нешто на интернет. Ние се караме како и секоја мајка и ќерка, но ние исто така и се сакаме како секоја мајка и ќерка“, порача тинејџерката.
