Кризата на пазарот на криптовалутите продолжи и денеска, при што биткоинот се најде на најниско ниво во последните пет месеци.
Најстарата светска дигитална валута загуби уште 8 отсто од својата вредност и моментално со неа се тргува по цена од 29.674,25 долари, според податоците на „КоинМетрикс, известува „Си-Ен-Би-Си“.
И другите криптовалути се под огромен притисок. Етериумот „потонал“ за осум отсто, а доџкоинот за над шеснаесет отсто.
Трговците предупредија дека падот под ниво од 30.000 американски долари би можел да доведе до дополнителни загуби.
Обновената кинеска мерка за сузбивање на енергетските и интензивните индустрии на криптовалутите од петокот загуби речиси 300 милијарди долари вредност од вкупниот пазар на виртуелните пари, кога оваа земја која е голем центар за рударење на биткоини им наложила на рударите на дигиталните пари да прекинат со операциите и им забранила на банките да даваат крипто-услуги.
Со денешниот пад, биткоинот загуби речиси 54 отсто од вредноста во однос на историскиот максимум од над 64.000 американски долари забележан кон средината на месец април.