Барселона одигра само 1:1 во дуелот со Гранада на „Камп Ноу“, а овој резултат само го зголеми незадоволството меѓу фановите и притисокот врз тренерот Роналд Куман.
Холандскиот стручњак по мечот се бранел дека не може да игра тики-така со фудбалерите со кои располага со моментов, а дека Барселона целосно го променила стилот говори и еден статистички показател.
„Опта“ пресмета дека фудбалерите на Куман вчера испратиле 54 нафрлувања во шеснаесетникот на Гранада, од кои дури 45 биле во игра.
Шпанските медиуми овој податок го претставија како целосно менување на ДНК на клубот, нешто што сигурно нема да им се допадне на фановите бидејќи играта на Барселона е заштитен знак со години наназад.
54 - @FCBarcelona have made 54 total crosses vs Granada CF, their second highest tally in a single LaLiga game since, at least 2005/06 (after 55 vs Málaga in Novembert 2016). Bombing. pic.twitter.com/WwegUTpT33
— OptaJose (@OptaJose) September 20, 2021