Иако возел неколку пати побрзо од дозволеното, нема да сноси последици.
Белгиец, кој во октомври минатата година возел над 300 км/ч. на автопатот Е313 помеѓу Антверпен и Лиеж, нема да сноси последици. Имено, иако камерата го снимила како вози точно 306 км/ч. на делницата каде максималната дозволена брзина е 120 км/ч., за него нема казна.
Причината е од техничка природа, односно подобро кажано, причината е пропуст во атестот на самата мобилна камера. Имено, камерата NK7 управувана од радар била одобрена за отчитување на брзини до максимални 300 км/ч., а сè над таа брзина не се зема предвид и не може да биде основа за одредување на казна.
Така вели т.н. кралски декрет, што го потврдиле и надлежните служби.
