Поголемиот дел од мажите не се запознаени со симптомите на рак на простата, покажа ново истражување. Студијата била спроведена од компанијата YouGov која анкетирала 1.456 мажи.
Дури 68% од нив не знаеле како да препознаат симптоми на рак на простата. Симптомите се: зачестена потреба за мокрење особено навечер, потешкотии за време на мокрењето, слаб проток на мокрачата, чувство дека меурот не се испразнил во целост и крв во урината.
Доколку ракот напредувал, другите симптоми може да бидат болки во тестисите, коските и грбот, губење на апетит и губење на тежина. Анкетата покажа дека само еден од осум мажи (13%) знаат да ги препознаат најчестите симптоми, а тоа е честата потреба за мокрење.
Секој петти маж (18%) рекол дека не сака да оди на прегледа за простата, а 6% од нив навеле дека тоа дефинитивно не би го направиле. Голем број од нив рекле дека се свесни дека здравата исхрана може да го намали ризикот од оваа болест (59%).
Меѓутоа, разочарувачки е фактот дека околу третина (35%) од мажите знаат дека генетиката игра важна улога. Рак на простатата главно ги погодува мажите кои се постари од 50 години, а ризикот е поголем за оние кои во семејството некој веќе бил заболен од оваа болест. Во тој случај треба да се посети доктор.
"Важно е да се спомне дека ракот на простатата нема симптоми се додека не се прошири. Ова значи дека мажите не треба да ги одложуваат овие прегледи", рекла докторката Ејми Рајланс.