Норвешка е светски рекордер по прашањето за електрификација на возниот парк, но и таму има проблеми.
За најновите проблеми наводно се виновни автомобилите на "Tesla" за кои група сопственици на автомобили од Норвешка тврдат дека се дефектни и имаат бројни проблеми. А за нивниот глас да се слушне, се одлучиле на радикален потег и започнале штрајк со глад.
Со ваквата ригорозна метода сакаат да го привлечат вниманието на проблемите кои секојдневно го доживуваат со своите автомобили. Според нивните тврдења, автомобилите на "Tesla" имаат бројни проблеми, кои одат од лош квалитет на изработка, како лизгави седишта, па се до случаи кога автомобилот не може ни да се вклучи.
#TESLA HUNGER STRIKE IN TESLA COUNTRY #1 ?? NORWAY 27. aug 2022 @elonmusk
— Erlend Mørch (@monstermasten) August 27, 2022
NORWEGIAN TESLA OWNERS ARE SUFFERING pic.twitter.com/2XkiIiG6df
Нивната крајна цел е Елон Маск да слушне за нив. Сигурни се дека ќе реагира на нивните молби и ќе им помогне. Досегашното искуство вели дека целиот процес на сервис трае предолго, а често дефектите не се отстрануваат во целост.
А сето тоа е важно бидејќи станува збор за голем пазар во земјата со најголем број на автомобили на Тесла по жител на светот. Во секој случај, станува збор за негативна реклама, не само на норвешкиот, туку и на европскиот пазар, каде токму моделите на "Tesla" се најпродавани во конкуренцијата на електрични автомобили.