Ѕвездата на серијата „The Crown“, Оливија Колман, има значајна трансформација за својата нова улога во „BBC“ серијата која е адаптација на романот „The Great Expectations“.
Во трејлерот за новата драмска серија адаптирана според романот на Чарлс Дикенс, Колман има жолти заби, целосно бела коса, а таа го толкува ликот на госпоѓицата Хавишам.
Краткото видео го прикажува младиот Пип којшто го глуми Том Свит како доаѓа во „Satis House“ за првпат да се запознае со одмаздољубивата госпоѓица Хавишам.
Таа му вели на Пип: „Да те видам, какво грдо суштество сме уловиле во реката“.
Серијата „The Great Expectations“ го следи Пип во средината на 1800-тите години додека се заљубува во посвоената ќерка на госпоѓата Хавишам, Естела.
Оливија се придружува во другата низа на популарни актерки кои глумеле во книжевниот свет, како што се и нејзините колешки од серијата „The Crown“, Хелена Бохам Картер и Гилиан Андерсон.
'Great Expectations' teaser: Olivia Colman stars in Steven Knight adaptation https://t.co/kwWFxL8oML
— #TuckFrump (@realTuckFrumper) February 6, 2023
Во новата адаптација на романот би требало да глумат и Мет Бери и Фион Вајтхед, а Шалом Бруне Франклин неодамна гледана во серијата „Line of Duty“ ќе ја толкува улогата на повлечената Естела.