Оваа функција е дел од нивното проширено мобилно портфолио и е достапна и во бесплатните верзии на апликацијата.

Што нуди „Кој ме шпионира“?

1. Откривање на Stalkerware:

Го идентификува шпионскиот софтвер што може тајно да пристапи до пораки, повици, геолокација и други лични податоци.

2. Следење преку Bluetooth:

Открива сомнителни Bluetooth уреди во радиус од 100 метри, како што се безжични ознаки што може да се користат за следење.

3. Проценка на ризик:

Класифицира Bluetooth уреди и означува сомнителни, како оние што ја менуваат својата локација синхронизирано со корисникот.

4. Контрола на дозволи:

Известува за апликации со пристап до камера, микрофон и локација, помагајќи им на корисниците да управуваат со поставките за приватност.

Поддршка за корисниците

Касперски истакнува дека оваа функција не само што ги информира корисниците за можниот надзор, туку и нуди алатки за управување со приватноста. Корисниците можат:

• Да креираат список на доверливи уреди.

• Да добиваат неделна статистика за откриени Bluetooth уреди.

• Да закажат сесии за редовно скенирање.

Глобално признание и иницијативи

Касперски беше првата компанија што воведе заштита од Stalkerware во своите решенија во 2019 година. Истата година, стана член на Коалицијата против Stalkerware, која брои повеќе од 40 членови, вклучувајќи ИТ компании, истражувачки институции и невладини организации.

Со оваа иницијатива, Касперски не само што ја подига свеста за опасностите од дигиталниот надзор, туку и обезбедува важнаподдршка за жртвите на онлајн злоупотреба, соработка со органите за спроведување на законот и размена на експертски знаења.

„Нашата цел е да создадеме безбеден дигитален свет каде корисниците можат да уживаат во технологијата без страв од злоупотреба,“ изјави Марина Титова, потпретседателка на Касперски.