Овој француски астролог и визионер од 16 век, чие ремек дело е книгата „Les Prophéties“, продолжува да интригира со своите двосмислени, но застрашувачки предвидувања. Додека некои беа морничаво точни, други беа повеќе нагаѓања. Сепак, неговата „апокалиптична претстава“ секогаш привлекува внимание, особено сега, кога 2025 година ни мавта со неизвесна иднина.

Подгответе се за војни, катастрофи, метеорски огнени топки и можеби, дури и за крајот на светот каков што го знаеме. Или барем за забавни толкувања на сите тие мрачни пророштва, пишува „Нова.рс“.

Секој пат кога Нострадамус „погодил“

Пред да нурнеме во ужасите на 2025 година, еве неколку од неговите „најголеми хитови“:

• Големиот пожар во Лондон (1666): Нострадамус, наводно, во едно од неговите предвидувања, предвидел разорен пожар, кој го уништил речиси цел Лондон.

• Подемот на Хитлер: Со својот „Хистер“ наместо „Хитлер“ речиси точно го погодил името. Доволно блиску за пророк!

• Нападот од 11 септември 2001 година: Некои во неговите стихови гледаат навестување на терористичкиот напад на кулите близначки.

• Пандемијата на коронавирусот: Пророштвата за чуми и болести беа чести кај Нострадамус – како да повикуваше на носење маски пред тоа да стане вообичаено.

Историјата докажува дека зборовите на Нострадамус често се приспособуваат на нашите најлоши кошмари. Сега е време да ги погледнеме неговите предвидувања за 2025 година.

Крај на војната во Украина или само исцрпеност?

Еден од катрените гласи:

„По долга војна, целата војска ќе биде исцрпена, нема да има злато за војниците; наместо злато и сребро, ќе коваат кожа, галска бронза и полумесечина“.

Ова звучи како војна на исцрпеност, каде ќе се истрошат ресурсите за да се продолжи со борбата. Многу коментатори сметаат дека тоа може да значи крај на војната во Украина поради исцрпување на ресурсите. Полумесечината ја симболизира Турција, а галската бронза ја симболизира Франција (гало-римскиот град Лутеција беше претходник на денешниот град Париз) – можеби овие две земји ќе посредуваат за мир.

Но, внимавајте! Со Нострадамус, никогаш не можете да бидете сигурни дали тоа е вистинско примирје или само пауза пред нов хаос.

Војна и чума во Англија?

Во едно од помрачните пророштва, Нострадамус пишува:

„Во Англија ќе беснеат сурови војни, античката чума ќе биде полоша од непријателот“.

Ова може да се однесува на политички немири, можеби поврзани со британското кралско семејство, или на нова пандемија што ќе изгледа пострашна од короната. Или можеви комбинација од двете сценарија?

Метеорит и космичка апокалипса

Во поетски тонови, Нострадамус го предвидува можниот крај на светот од вселената:

„Огнена топка ќе лета од космосот, предвесник на судбината, светот ќе моли за милост“.

Најверојатно мислел на огромен астероид. Можеби овој космички „гласник на судбината“ има потенцијал да ни даде нова шанса. Земјата може да добие „втора шанса“ – но без нас. Соодветно оправдување за исцрпувањето на природните ресурси, нели?

Природни катастрофи во Амазон

Следниот катрен вели:

„Градината на светот во близина на новиот град ќе биде потопена и принудена да пие сулфурна вода“.

Амазон, „белите дробови на светот“ веќе се соочува со уништување поради сечењето на шумите и пожарите. Нострадамус предвидува поплави или дури и вулкански ерупции кои би можеле да го погодат овој регион. Дали е ова симбол за последното предупредување пред еколошка катастрофа?

Подемот на „Водената империја“

Друго интересно пророштво го најавува подемот на нова империја од водата:

„Од длабочината ќе се појави владетел, среде поплавите што допираат до небото“.

Дали ова предвидува подводна цивилизација која ќе завладее откако ќе се стопи мразот и ќе се подигне нивото на океаните? Можеби поранешните копнени империи ќе се претворат во Атлантис 2.0. Нашата планета може да одлучи дека е време за морско ресетирање.

Како сериозно да ги сфатите пророштвата на Нострадамус за 2025 година?

Нострадамус е како стариот вујко на семејната вечера – секогаш малку преддраматичен, но доволно интересен за да му простиме. Неговите пророштва се отворени за толкување, па секој ги толкува на свој начин.

Без разлика дали 2025 година е апокалиптична или не, едно е сигурно – човештвото сè уште ќе се жали за времето, политиката и сообраќајниот метеж. Како и секогаш!