Илон Маск во понеделникот напишал нешто многу интересно на својот Твитер профил. Имено, тој смета дека, ако сакаме вистински да го промениме светот, треба да работиме по 80 часа неделно, јавува "Business Insider".
Говорејќи за компаниите со кои претседава, како "Tesla", "SpaceX", "The Boring Company" и "Neuralink", Маск напоменал: "Знам дека е полесно да работам на некои други места, но никој досега не го променил светот работејќи само 40 часа неделно".
There are way easier places to work, but nobody ever changed the world on 40 hours a week
— Elon Musk (@elonmusk) November 26, 2018
Кога го прашале колку часа неделна работа се потребни за нешто такво, Маск одговорил:
"Зависи од личност до личност, но 80 часа би биле доволни. Понекогаш и 100. Чувството на тежина на работата експоненцијално се зголемува по 80 часа работа неделно".
Илон Маск овој месец опишал дека работи отприлика 120 часа неделно, а дека вработените во "Tesla" знаеле оваа година да работат и по 100 часа неделно за потребите на автомобилот Model 3. Напоменал и дека "Tesla" не би преживеала на пазарот доколку тие не работат волку напорно.
Некои вработени од компанијата изјавиле дека премногу работат, додека други изјавиле дека повеќе им одговара да работат 70 или повеќе часа неделно.