Малото девојче Ела Џеремиас не било многу воодушевено кога родителите за првпат во рацете ѝ го дадоа помладото братче настојувајќи да направат емотивен семеен момент. Снимката стана вирална на социјалните мрежи.
Мајката Кристен и таткото Џордан од породилиштето во Далас дома донеле новороденче, малиот Колман, а тие сакале да создадат емотивен момент од тоа како нивната ќерка Ела го запознава братчето.
Но, според изразот на Ела, девојчето воопшто не било импресионирано. Непознато е дали станува збор за лутина, љубомора или незаинтересираност.
Родителите сепак се обиделе да ја расположат, ја присилувале да го бакне братчето, но девојчето и понатаму покажува незаинтересираност. Во еден момент само погледна во бебето.