Германската тјунинг компанија B&B Automobiltechnik се погрижи овој одличен џип да добие уште поголема сила и забрзување.
Серискиот Jeep Grand Cherooke Trackhawk е исклучително моќен џип. Под хаубата е сместен 6,2 литарскиот бензински V8 мотор кој нуди моќ од 717 коњски сили и 875 Nm максимален обртен момент.
Но, доколку некој смета дека му треба уште помоќна верзија на овој модел, тогаш тука е B&B Automobiltechnik кои се погрижија Jeep Grand Cherokee Trackhawk да добие 60 коњски сили и 110 Nm поголем максимален обртен момент. Во пракса, овој „набилдан“ Trackhawk од 0 до 100 километри на час ќе забрзува за само 3,4 секунди.
Купувачите ќе можат да ги добијат овие перформанси со доплата од 4 илјади евра, а ќе биде понудена и Stage 1 верзија која нуди „само“ 20 коњски сили и 35 Nm максимален обртен момент повеќе, за доплата од 1,500 евра.
Покрај помоќниот мотор, Jeep Grand Cherokee Trackhawk доби и спортски издувен систем од нерѓосувачки челик, а џипот е спуштен за дополнителни 50 милиметри.
На љубителите на дизел верзијата исто така им е нуди посебен пакет од 2 илјади евра. Пакетот вклучува „засилување“ на 3-литарскиот дизелски V6 мотор од 240 коњски сили и 570 Nm максимален обртен момент, на 350 коњски сили и „камионски“ максимален обртен момент од 680 Nm.
