Коронавирусот, кој избил во кинескиот град Вухан, се проширил на неколку други држави, а убил најмалку 25 луѓе.
Се смета дека епидемијата започнала на еден рибен пазар кој во меѓувреме е затворен, а целиот град е во карантин.
Вухан има околу 11 милиони жители, повеќе од Лондон и Њујорк, а вирусот се проширил и на Тајланд, Јапонија, Јужна Кореја и Тајван, но стигнал и до САД.
Неколку недели откако пазарот станал "нулта точка", службениците потврдиле дека вирусот е пренослив од човек на човек.
Humans likely got the deadly Chinese coronavirus from SNAKES sold at the Wuhan market https://t.co/SgEbWVVkI9
— Daily Mail Online (@MailOnline) January 23, 2020
Коронавирусот претставува широк спектар на вируси присутни кај животни кој во одредени околности може да премине на луѓе. Контактот со месо од разни животни кое се продава на велепазарот за морска храна е утврден како веројатна причина за првите пријавени инфекции кај луѓето.
Локалните медиуми направиле список од животни чие месо наводно е достапно на пазарите. Информациите не се целосно проверени, но наводи за тоа кружат и на социјалните мрежи.
Coronavirus outbreak could be linked to bat soup sold at Wuhan market https://t.co/MMSQcY2Amo
— The Sun (@TheSun) January 23, 2020
Имено, на списокот се наоѓа живина, стока, свинско, гуски, зајци, кучиња, елени, змии, желки, скорпии, саламандери, лисици, крокодили, магариња, ноеви, лебеди, како и цври, пауни, јазовци, видри, но и кенгури и коали.
Продавачите во валканите корита ги чуваат животните и нивните остатоци, валкани им се ракавиците на рацете, но и вагите на кои го мерат месото.
Како што пишува "Daily Mail", на фотографиите може да се види дека за месо од коала потребно е да издвоите околу 10 американски долари.
Во понудата се наоѓаат дури 112 различни видови месо.
За овој вирус засега не постои вакцина.