Премиерот на Велика Британија, Борис Џонсон, соопшти дека е позитивен на коронавирус, пренесуваат светските агенции.
Тоа го покажале и тестовите кои тој ги направил поради благите симптоми кои ги чувствувал во последните 24 часа.
Џонсон на својот Твитер профил навел дека се наоѓа во самоизолација, но истакнал и дека ќе продолжи да управува со земјата преку видео конференции.
Over the last 24 hours I have developed mild symptoms and tested positive for coronavirus.
— Boris Johnson (@BorisJohnson) March 27, 2020
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
Тој во видеото уште еднаш ги повикал граѓаните да останат во своите домови и им се заблагодарил на работниците, полицијата и сите други кои се борат во оваа криза со коронавирусот.
Веста дека британскиот премиер е заразен со коронавирус доаѓа само два дена по веста дека британскиот принц Чарлс е позитивен на тестовите за коронавирус.
Инаку, Борис Џонсон беше критикуван во јавноста поради недоволната одлучност и, како што сметаат многумина, погрешните стратегии во борба против коронавирусот. Тој најпрвин сметал дека не треба да се воведуваат строги мерки и дека е “добро ако се зарази поголемиот дел од популацијата бидејќи се тоа ќе се стекне имунитет”.