Мае Арчи останала без зборови откако се вратила дома од одморот во Њујорк и ги разгледувала фотографиите кои ги направила таму. Но, дури тогаш на една од фотографиите забележала некој многу познат.
Арчи се фотографирала во Њујорк по посетата на изложбата за Битлси, а дури по завршување на патувањето сфатила дека пропуштила нешто прилично важно – Пол Макартни случајно се нашол на нејзината фотографија, пренесува „Mirror“.
Во видеото во кое ја објаснува фотографијата, Мае вели дека ѝ е многу жал бидејќи не забележала на време дека покрај неа поминала големата ѕвезда на која ѝ се воодушевува.
Макартни го преоѓал пешачкиот премин кога настанала историската фотографија.
„Сакав да направам симпатична фотографија, па се свртев додека го преоѓав пешачкиот премин, а мојата мајка ме фотографираше. Бев свртена кон неа, па не го забележав Пол сè додека не се свртев напред. Воспоставивме контакт со очите и се обидував да сфатам зошто ми изгледа толку познато. Тој ми намигна бидејќи знаеше дека знам, а потоа се оддалечи“, раскажала девојката.
