Во скопски Аеродром, по 19 часот на улицата Методија Шаторов Шарло изгорел автомобил Шкода.
Пожарот настанал покрај станбена зграда во скопската населба Аеродром, а засега не се знае причината.
Жители од зградата во паника и страв ги напуштале своите домови, а командирот на Противпожарната единица, Владимир Симоновски, за „Нова Тв“, истакнал дека нема потреба од вознемиреност, дека возилото е изгасено и нема никаква опасност по зградата.
Соседите велат дека слушнале силен одек на експлозија и веднаш излегле надвор, а автомоблот бил во пламен.
Освен матерјалната штета, повредени нема. На лице место увид вршат полицијата и противпожарна екипа која брзо интервенирала и спречила пожарот да се прошири на околните возила.
