Рускиот претседател и британскиот премиер решиле преку разговор да расветлат некои сериозни прашања.
Претседателот на Русија, Владимир Путин и премиерот на Велика Британија Борис Џонсон, сметаат дека Москва и Лондон треба да соработуваат на повеќе полиња, соопштила прес-службата на Кремљ по телефонскиот разговор меѓу Путин и Џонсон.
"Претседателот на Русија и премиерот на Велика Британија размениле оцени за ситуацијата во билатералните односи. Изразено е заедничко мислење дека, без разлика на постоењето на извесни проблеми, треба да се воспостави соработка меѓу Москва и Лондон во повеќе области", навеле од Кремљ.
Покрај тоа, двата лидери разговарале и за климатските промени, ситуацијата во Авганистан и иранската нуклеарна програма. Двете страни изразиле намера доследно да го намалат загадувањето во своите економии.
Последниот телефонски разговор меѓу Путин и Џонсон бил одржан на 8-ми мај 2020-та година.
