Бран висок еден метар е формиран во близина на брегот на Јапонија, откако земјотрес со јачина од 7,3 степени според Рихтеровата скала е регистриран во областа Фукушима.
Во следните часови се очекува цунами да ја погоди областа Мијаги.
Епицентарот на земјотресот бил во морето, на длабочина од 60 километри.
Се уште нема информации за жртви, а причинета е материјална штета.
Над два милиони домаќинства немаат струја, а надлежните ја проверуваат состојбата во атомската централа.
