Илон Маск го изненади светот: Милијардерот привремено го одложи купувањето на Твитер, а еве и која е причината

Точка

13/05/2022

15:07

35.115

Големина на фонт

а а а

Милијардерот Илон Маск денеска соопштил дека привремено го одложил купувањето на компанијата Твитер за 44 милијарди долари, додека не добие повеќе информации за тоа колку лажни или несакани профили има на таа социјална мрежа.

Твитер на почетокот на овој месец проценил дека лажни или спам профили во првиот квартал имало помалку од 5 проценти од неговите 299 милиони дневно активни корисници, пренесува "Reuters".

„Договорот за Твитер е привремено одложен додека се чекаат деталите кои ќе потврдат дека лажните профили навистина претставуваат помалку од 5 проценти од корисниците“, напишал Маск денеска на Твитер.

Акциите на оваа социјална мрежа по неговиот твит паднале за 17,7 проценти на 37,10 долари на тргувањето пред отворањето на Њујоршката берза, што е нивно најниско ниво откако Маск на почетокот на април најавил дека купува 9 проценти од уделот на Твитер и после тоа дал најдобра и конечна понуда за 100-процентно преземање на таа компанија.

Проценетата веројатност дека купопродажниот договор ќе биде заклучен по понудената цена паднала под 50 проценти прв пат во вторникот, кога акциите на Твитер паднале под 46,75 долари.

Маск, најбогатиот човек на светот, рекол дека еден од неговите најголеми приоритети по преземањето на Твитер ќе биде укинувањето на спам ботовите од платформата. Од Твитер не одговориле веднаш на барањето од "Reuters" за коментар по повод денешната порака на Маск.




Спонзорирани линкови

Маркетинг