Актерот Ангус Т. Џонс, кој е најпознат по улогата на момчето Џејк од серијата „Два и пол мажи“, денес води поинаков начин на живот, далеку од очите на јавноста.
Имено, актерот неодамна бил забележан во една населба во Лос Анџелес, каде изгледал непрепознатливо, а медиумите пренеле дека ова е негово појавување во последните две години.
29-годишниот актер бил лежерно облечен во широка сива маичка, шорцови и црвена капа. Медиумите истакнале дека тој не носел обувки. Покрај тоа, актерот во последните неколку години имал брада, поради што луѓето потешко го препознавале, а од последното појавување во популарната серија значително се поправил.
Во 2014 година го соопштил своето заминување од серијата, а потоа се посветил на христијанството. Во една прилика апелирал луѓето да престанат да ја гледаат серијата, бидејќи сметал како е непримерна.
После тоа, младиот актер се повлекол од јавниот живот, бидејќи повеќе не сакал да биде во центарот на вниманието. Подоцна преку медиумите упатил извинување до колегите поради своите изјави, но тврди дека не жали што ги напуштил, бидејќи бил возбуден што оди да учи.
