Џон Гудман го привлече вниманието на фотографите на аеродромот Џон Ф. Кенеди во Њујорк. Тој беше придружуван од сопругата Ана Бет, која ретко се појавува во јавноста.
71-годишниот актер изненади со неверојатна трансформација. Имено, откако започнал со слабеење, тој досега ослабел околу 90 килограми. Уште во 2007 година се префрлил на медитеранската исхрана. Неговите оброци главно се состојат од риба, маслиново масло, зеленчук, јаткасти плодови и овошје. Покрај тоа, тој вежба шест дена во неделата и се грижи да прави помеѓу 10.000 и 12.000 чекори секој ден.
Се откажал и од алкохолот
„Претходно правев тримесечна пауза, губев 27 или 30 килограми, а потоа се наградував со шест пива или нешто слично и само се враќав на старите навики. Овој пат сакав да се движам со побавно, но посигурно темпо, да вежбам и да се движам.
Вака изгледал Џон Гудман во 2009 година
Во текот на неговата кариера, Џон има бројни филмски и телевизиски достигнувања, но неговата најзабележителна улога беше во серијата „Roseanne“. Тој, меѓу другото, глумеше во филмовите „The Big Lebowski“, „The Flintstones“, „10 Cloverfield Lane“ и многу други.
