Според последните податоци од Државната изборна комисија (ДИК), излезноста до 11 часот е 12,78%, од обработени над 97% од гласачките места.
Според податоците објавени на веб сајтот на ДИК, гласале 229.473 граѓани.
Во земјава денеска се одржува првиот круг од претседателските избори. Право на глас имаат 1.814.317 лица, кои можат да изберат меѓу седум кандидати: Стево Пендаровски, Гордана Силјановска Давкова, Стевчо Јакимовски, Бујар Османи, Билјана Ванковска, Арбен Таравари и Максим Димитревски.