Серијата ја носи интимната приказна за шкотскиот комичар Ричард Гад, кој претходно ја претстави во неколку познати независни театарски претстави.

Овде, Гад игра измислена верзија на себе од средината на дваесеттите: комичар по име Дони кој работи како шанкер и во чиј живот влегува Марта Скот, која го прогонува, испраќајќи му повеќе од 41.000 е-мејла, 350 часа говорни пораки, 744 твитови, 46 пораки на Фејсбук, 106 страници со писма.

Марта е ментално нестабилна, четириесетгодишна жена која се „закачува“ за првата личност која и посветува малку внимание. Откако Дони ја почести со пијалаци и разговор - во кој таа тврди дека е успешен адвокат - таа почнува да доаѓа во барот секој ден, станувајќи се понепредвидлива и несоодветна со секоја посета.

Младиот човек на почетокот се забавува, но „невиниот занес“, кој добива злобен пресврт кога таа почнува да му испраќа илјадници алармантни мејлови и да се појавува на неговите свирки и во неговата куќа. На крајот, Дони открива дека Марта е регистриран демнач со историја на злоупотреба и насилство. Сепак, поминуваат месеци пред да преземе каква било акција за да ја спречи.

Демначката од серијата сака да го тужи авторот

Во неодамнешното интервју за Дејли Мејл, кој одби да ја идентификува по име, жената која стои зад ликот на демнач во серијата изјави дека размислува за тужба за клевета.

58-годишната жена од Лондон, која на екранот ја игра Џесика Ганинг, тврди дека добивала „смртни закани и била малтретирана“ од поддржувачите на Ричард Гад.

„Тој сега го користи шоуто за да ме демне мене“, вели таа, тврдејќи дека Гад „малтретирал постара жена на телевизија за слава и богатство“.

Иако деталите за шоуто се променети за да се заштитат идентитетите на луѓето, жената вели дека наводно споделува неколку сличности со ликот на Марта: и двете се од Шкотска, студирале право, имаат историја на следење и се повеќе од 20 години постари од Гад.

Што всушност се случило во реалноста

Во серијата на Нетфликс, парот првпат се среќава откако ликот на Гад, Дони и понуди на Марта шолја чај. Тој признава дека му било жал за Марта, а кога таа рекла дека не може да си дозволи пијалак, тој и понудил „од куќата“. Ова е точно и предизвика низа настани.

Исто како и во серијата, Дони не бил сфатен сериозно кога првпат ја пријавил Марта. Според Гад, биле потребни шест години пред полицијата конечно да интервенира.

„Поминав низ две полициски истраги во мојот живот и двете беа урнебесни“, изјави тој за „Гардијан“.

Иако серијата се базира на настани од реалниот живот, некои детали се променети за да се заштитат идентитетите. Самиот Гад зборуваше за тоа, објаснувајќи дека „Марта била маскирана до тој степен што мисли дека нема да се препознае себеси“.

„Отидовме до тој степен да ја маскираме, па не верувам дека ќе се препознае. Она што беше позајмено беше емотивната вистина, а не нечиј профил факт по факт“, изјави тој за GQ.

Во текот на четири и пол години, демначката испратила 41.071 е-мејла, 350 часа говорни пораки, 744 твитови, 46 пораки на Фејсбук и 106 страници со писма. Во реалниот живот, таа испратила и играчка ирвас, апчиња за спиење, волнена капа и боксерки - нешто што не е прикажано во серијата на Нетфликс.

Она што е нејасно е дали вистинската Марта отишла во затвор. Во шоуто, Марта остава говорна пошта во која се заканува дека потенцијално ќе прободе некого и ќе биде уапсена.