Можеби сте сигурни во вашиот идентитет и цели, но дали некогаш сте помислиле дека вашиот само-концепт или навики не секогаш се конструктивни?

Препознавањето на токсичните обрасци во односот со себе може да биде предизвик, но важно е за зачувување на вашата самопочит и односите со другите, тврдат психолозите.

Во токсичниот однос со самите себе, можеби сте склони да ја преземете вината или да се чувствувате лошо за начинот на кој се доживувате себеси или дејствувате. Според експертите, ова се пет знаци дека сте во токсична врска со себе, но добрата вест е дека постојат начини да се извлечете од оваа ситуација.

1. Вие сте крајно критични кон себе или кон другите

Кога се соочуваме со мала грешка на работа или кога ќе изустиме нешто срамно пред поголемо друштво, нашата прва реакција може да биде да ги откриеме нашите вештини за соочување. Но, како што истакнуваат експертите, начинот на кој се носиме со таквите ситуации може да открие многу за нашиот внатрешен однос со себеси. Здравите вештини за соочување често вклучуваат способност да се смееме на нашите грешки и да продолжиме понатаму. Меѓутоа, доколку сме премногу критични кон себе, тоа може да доведе до токсичен однос со самите себе. Кога не сме во состојба да си простиме за несовршеностите или грешките, честопати паѓаме во негативност. Важно е да преземеме одговорност за своите постапки кога правиме грешки, но треба да внимаваме да не западнеме во претерана негативност и токсичност.

2. Ги оправдувате нездравите навики

Не е тајна дека грижата за сопственото емоционално и физичко здравје е клучна за квалитетен живот. Меѓутоа, кога ќе се најдеме заробени во токсичен однос со самите себе, лесно е да паднеме во шаблони и навики кои ни прават повеќе штета отколку корист.

Токсичниот однос со себе често се карактеризира со длабока, нерешена омраза кон сопственото битие, наместо чувство на самопочит и прифаќање. Оваа состојба може да поттикне развој на нездрави однесувања како што се злоупотреба на супстанции, нарушувања во исхраната или самоповредување. Исто така, тенденцијата за самосаботажа и избор на пријатели или романтични партнери кои негуваат сопствени токсични обрасци можат да бидат вообичаени манифестации на овој проблем. Кога сте во таков однос со самите себе, може да го оправдате штетното или самодеструктивното однесување бидејќи ви недостига чувство на сопствена вредност и заслуга за среќа или здравје.

3. Премногу се жртвувате

Без сомнение, сите сме слушнале колку е важно да се грижиме за себе и да ја вклучиме таа практика во нашиот секојдневен живот.

Ова може да вклучува различни активности како што се редовно вежбање, одржување на домот чист или едноставно уживање во релаксирачка купка или маска за лице. Меѓутоа, доколку се најдеме во токсичен однос со себеси, можеби ќе бидеме склони вниманието да го пренасочиме на други аспекти. Постојаното жртвување на сопствените потреби за потребите на другите, што доведува до иритација, огорченост и физичка исцрпеност, може да укаже на токсичен однос со себе. Доколку постојано се обидуваме да им угодиме на другите, а го занемаруваме сопственото ментално здравје, тоа може да ја ослабе стабилноста и благосостојбата во нашиот живот. Како што вели старата изрека: „Од празна чаша не се сипува“.

4. Имате ниска самопочит

Дали некогаш сте паднале во шема да се критикувате себеси или да верувате дека не сте доволно добри или достојни за љубов? Чувството на несигурност, безвредност или дури и неволност може да биде показател за ниска самодоверба и самопочит, кои често се показатели за токсична врска со себе. Доколку редовно се критикувате себеси во вашите мисли или чувствувате дека не заслужувате љубезност или разбирање, особено од себе, тоа може да укаже дека можеби несвесно сте станале токсичен партнер за себе.

5. Барате валидација од околината

Кога добивате комплимент од странец или слушате охрабрувачки зборови од саканата личност, тоа може да биде освежувачко искуство, кое ќе ве натера да се почувствувате видени и ценети.

Напредувањето во кариерата или добивањето награда исто така може да ја зголеми вашата самодоверба.

Меѓутоа, доколку се најдете дека барате ваков вид валидација од другите почесто од вообичаено, вреди да размислите за причините кои стојат зад тоа.

Способноста да се афирмирате и охрабрите е здрав механизам за соочување што може во голема мера да ја подобри вашата самотоверба и да промовира попозитивен став кон себе. Клапов истакнува дека доколку не сте во можност да го направите тоа, а наместо та редовно се потпирате на другите за да се чувствуваат добро во всрска со вас, тоа може да доведе до губење на автентичноста во вашата комуникација и интеракција со другите. Ова може да сугерира дека е потребна некоја внатрешна работа за да се развие самољубие за да се надминат овие токсични шеми на размислување.