Тајгер Вудс несомнено е најдобриот играч на голф кој некогаш зел палка во раката. Сепак, јавноста подеднакво како за неговите спортски достигнувања, говори и за неговиот распуштен живот надвор од теренот и за многубројните љубовни афери – имал дури 121 љубовница за време на 5-годишниот брак со Елин Нордерген, со која има две деца.

Имено, Тајгер и Елин се запознале во 2001 година, а се венчале во 2004 година. На почетокот сè изгледало идилично, а тие двајца во американската јавност претставувале вистински „celebrity sweetheart“ пар, сè додека не следела шок-веста за разводот после масовните афери на Тајгер.

Голферот потполно „потонал“ после тоа, посетувал психотерапија, лекување од сексуална зависност … Ноќите ги поминувал со проститутки и порноактерки, кои години подоцна излегувале во јавноста и ја продавале приказната на таблоидите за високи суми на пари, истовремено „оцрнувајќи“ го Тајгер.

Но, да почнеме со ред.

Чуден однос со жените и светот на Џордан

Тајгер имал проблеми уште од самиот почеток поради бојата на неговата кожа. Како четиригодишно дете, тој бил исфрлен од теренот за голф затоа што бил црнец, па раното детство го поминал на тренинзи со својот татко, Ерл Вудс. Како што покажувал сè повеќе талент, растеле и неговите и амбициите на неговите родители, пишува „CNN“.

На 16 години веќе освоил шест јуниорски турнири и го обезбедил првото учество на професионален турнир како аматер. Неговите професори од средното училиште Сајпрес Хил го паметат како „темелен, паметен и послушен ученик кој ги прифаќал сите совети и критики“.

„Веројатно тоа беше последен пат кога беше нормален. Тој можеше да направи сè што правеа другите тинејџери. И тој го направи сето тоа“, зборувал Боб Филдхаус, учител во средно училиште на Тајгер.

Сепак, наскоро следел почетокот на новиот живот, а од него се родил и специфичниот однос кон спротивниот пол. Тајгер Вудс отсекогаш имал многу необичен однос со жените. Уште од мал трпел огромен притисок. Како Афроамериканец кој се обидувал да се пробие во спорт резервиран за богатите белци, тој на 18-годишна возраст добил ултиматум од родителите да ја остави тогашната девојка затоа што таа „го одвлекувала од голфот“.

Во писмото кое ѝ го испратил пишувало:

„Јас и моите родители никогаш повеќе не сакаме да разговараме или да се чуеме со тебе. Се надевам дека остатокот од животот ќе ти оди добро.“

Две години подоцна, кариерата на Тајгер тргнала по нагорна линија кога бил забележан од Мајкл Џордан опкружен со убави и провокативни жени во ноќен клуб.

„Господине Џордан, господине … Како да успеам да им се допаднам на девојките?“, го прашал Вудс.

Џордан го погледнал и му одговорил со таа препознатлива „шеретска“ насмевка:

„Човеку, само пријди им и кажи им кој си, ти си Тајгер Вудс!“.

И, само така, Тајгер влегол во светот од кој никогаш повеќе нема да може да излезе.

Седум години забава и „тони“ секс

Тајгер одлучил да земе сè што му нудела славата, и добро и лошо. По седум години континуирано излегување, секс со разни дами и „пријателки на ноќта“, Вудс одлучил да се смири, мислејќи дека доволно проживеал. Се оженил со шведска дадилка која ги чувала децата на неговиот близок пријател. Нејзиното име е Елин Нордегрен. Тие се венчале во 2004 година. Но, стариот живот на Тајгер многу брзо го повлекол назад во челустите на развратот и ноќниот живот. Секако, тука биле и аниме дамите. Се шпекулирало дека за време на неговата ергенска забава бил со порно ѕвездата Холи Сампсон, која подоцна била една од жените кои излегле во јавноста. Холи дури и го пофалила:

„Морам да кажам дека беше навистина добар“, изјавила подоцна Холи.

До 2007 година некако „се извлекувал“, Елин ги игнорирала гласините и сигналите за неверство, а потоа следела првата јавна криза. Таблоидите ја пренеле приказната за неговата афера со келнерката Минди Лотон, која работела во ресторанот во кој тој одел со сопругата еднаш неделно на вечера.

Сестрата на споменатата келнерка подоцна за медиумите изјавила дека „Тајгер „со поглед ја голтал“ Минди додека неговата сопруга нарачувала храна и го читала весникот на масата“.

Сепак, Тајгер се извлекол со тоа.

СМС пораки и згодната водителка поради која сопругата го брка низ куќата со палка за голф

Две години по аферата „келнерката“, таблоидите го уловиле Тајгер Вудс со хостеса на џентлменски ноќен клуб. Атрактивната девојка се вика Рејчел Учител, а Вудс за малку ќе ја загубел главата поради неа. Се гледале, се допишувале, што „ласцивно“, што љубовно. Вудс ги избришал сите пораки откако приказната за аферата се појавила во таблоидите, а потоа се обидел да ја натера Рејчел да ѝ се јави на сопругата и да ја убеди дека целата приказна е лага измислена од медиумите.

Сепак, направил голема грешка. Таа вечер пиел апче за спиење, но пред тоа испратил неколку љубовни пораки кои неговата сопруга Елин ги пронашла на нејзиниот телефон.

„Ти си единствената која некогаш сум ја сакал“, пишувало во пораката која ѝ ја испратил на хостесата, а Елин била толку бесна што во два часот по полноќ го бркала Вудс низ куќата со палка за голф.

За среќа на Тајгер, таа не го стигнала. Меѓутоа, неколку минути подоцна, среќата му го свртела грбот.

Во обид да избега, и тоа под дејство на седативи, Вудс седнал во кадилакот, изгубил контрола и удрил во дрво. Кога соседите излегле надвор, го виделе Тајгер како онесвестен и крвав лежел на патот и – ’рчел!

Во меѓувреме, Елин повикала помош, но не пред да го истури гневот на скапиот автомобил. Таа ги скршила сите прозорци со палка за голф. Попатно таа му исфрлила и два заба од вилицата на Тајгер.

Приказната, сè разбира, станала глобална вест, што било повик до другите љубовници да се јават. Една од нив тврдела дека Вудс секогаш фантазирал за вклучување други момци во сексот, а порно ѕвездата Џојселин Џејмс, која забременила со него, ги споделувала „непослушните“ пораки кои ги добивала од него.

Ќерката на соседот го „задала последниот удар“ во бракот на Тајгер

Целиот хаос траел три или четири месеци, а Елин сè уште беше со Тајгер. Меѓутоа, кога дознала дека 21-годишната ќерка на нивниот сосед е љубовница на Тајгер, одлучила засекогаш да го остави.

Тогаш таблоидите дојдоа до бројката дека дури 121 жена признале дека спиеле со Вудс, кој во годините кои следеле се обидел да се лекува и да си го подобри животот, пишувал тогаш „Хафингтон пост“.

Меѓу нив била и Кристина Дел Брасо, модел од Италија. Вудс бил во врска и со познатата скијачка Линдзи Вон. Тие раскинале во 2015 година, по што протекле „жешки“ фотографии од споменатиот пар.

Две години подоцна, тој бил фатен како вози под дејство на пет различни дроги: две апчиња за спиење, два лека против болки и марихуана. Избегнал затвор и се извинил, објаснувајќи дека се самолекувал за да се справи со болките во грбот и несоницата.

Потоа, во 2019 година, тој конечно заблескал на теренот и го освоил својот прв Мастерс по скандалот кој избувнал 10 години порано. Тоа било момент на вистинска спортска среќа, бидејќи многу брзо доживеа катастрофа од која едвај излегол жив.

Уште една несреќа во која за малку ќе останел инвалид

По освојувањето на Мастерсот, Тајгер Вудс доживеал уште една сообраќајна несреќа. Ја изгубил контролата над џипот и за малку ќе ја загубел ногата.

„Додека бев во болница, во еден момент имаше 50 отсто шанси да излезам со едната нога. Кога сфатив дека ќе ја задржам ногата, тогаш морав да ги тренирам рацете, ги замолив мојата девојка и пријателите да фрлаат предмети по мене додека лежев во кревет за да можам да вежбам.

Тајгер Вудс по несреќата

Повторно се вратил на професионалниот голф, завршувајќи на угледното 47-то место на Мастерсот во 2022 година, но токму кога повторно ја освојувал наклонетоста на јавноста, Вудс брутално ја оставил Ерика Херман, неговата шестгодишна девојка.

Ерика тврдела дека помошниците на Вудс ја убедиле да оди на одмор додека Тајгер закрепнувал, а кога се вратила ѝ соопштиле дека е поранешна и дека Вудс ги сменил сите брави на нивната куќа?!

Во меѓувреме, Тајгер ја одбил понудата од милијарда долари која ја добил од Саудиска Арабија и останал верен на „PGA Tour“. Нешто повеќе од таа цифра заработил во кариерата, што од награди, што од спонзорски договори.

Пред неколку години купил и вила за која платил 49 милиони долари. Вилата има, секако, голем терен за голф, но и винарска визба, теретана, кино, сè што му е потребно на еден милијардер.

Во една прилика, тој раскажал дека теренот е поставен за да може да игра од неговото студио на вториот кат. Исто така, имотот поседува базен долг 30 метри, отворено игралиште за кошарка и тениско игралиште каде голферот поминува време со своите деца, а понекогаш и „пука“ по некој форхенд.