Барселона имаше се во свои раце и изгледаше како тим кој рутински ќе го приведе мечот при крај на „Балаидос“, но наместо тоа, гостите фрлија во вода се што градеа 80 минути.
Во период од 240 секунди, Касадо заработи црвен картон, Жул Кунде направи аматерска грешка и подари гол за 1:2, а потоа следеше и целосен шок за 2:2 во 86-та минута.
Неверојатното сценарио направи Барселона да остане без планирани два бода од гостувањето во Виго, па иако Ханси Флик не издвојуваше поединци за лошата претстава во финишот, самиот Кунде реши да ја преземе вината за бизарната грешка која ја направи.
– Немав добар натпревар од самиот старт, имав многу падови во концентрацијата, а на крајот, направив глупост во наједноставна акција. После тоа, ни падна моралот, а тие се кренеа и успеаја да израмнат.
– Водевме 2:0, а мојата грешка негативно влијаеше врз тимот. Направив многу голема грешка, едноставно такво нешто не смее да ми се повтори. Фрустриран сум и разочаран, посебно на самиот себе. Бесен сум на себе поради завршницата. Не игравме како што знаеме, но водевме 2:0 и мораше да победиме. Сигурен сум дека ќе победевме без мојата грешка. Такви работи скапо се плаќаат во фудбалот, – посочи Кунде.
