Грчкиот остров Икарија спаѓа во „сината зона“ во која живеат најздравите стогодишници. Денес ви го пренесуваме нивниот начин да го исчистите телото одвнатре. Еве како тоа го прават Грците:

1. Чај од лук

Од лукот се подготвува најдобриот чај за детоксикација на организмот. Грците со векови го користат овој чај за детоксикација.

Подготовка: сварете 3-4 чешниња лук во вода околу 10 минути. Процедете, изладете, па додадете малку мед и лимон по желба.

2. Напиток од артичока

Артичоките се одлични и за чистење на организмот – ја стимулираат регенерацијата на црниот дроб, ги чистат бубрезите и го поттикнуваат лачењето на жолчката, која е неопходна за добро варење.

Богати се со витамини и минерали, го намалуваат крвниот притисок и придонесуваат за здраво слабеење.

Подготовка: исчистете ги артичоките и варете ги во вода околу 25 минути. Потоа оставете го напитокот да се излади, процедете го и чувајте го во тегла. Пијте малку.

3. Јадење направено од зелени листови од глуварче

Во Грција, зелените листови од глуварче се нарекуваат хорта. Од нив можете да подготвите вкусно и здраво јадење во комбинација со коприви и некое друго зеленило.

Листовите од глуварчето се богати со железо, калциум и други витамини и минерали, како и влакна и антиоксиданти.

Тие се и антиинфламаторни и штитат од дијабетес и висок крвен притисок.

Покрај тоа, имаат и диуретички својства, што значи дека го стимулираат испирањето и исфрлањето на токсините од црниот дроб и бубрезите.

Уште и кога ќе додадете коприва, малку маслиново масло и лимон во глуварчето, нема подобра опција за детоксикација и здравје на телото.

Подготовка: исчистете ги и измијте ги листовите глуварче и коприва и кратко варете ги. Процедете и измешајте со маслиново масло и лимон.

Секако можете да ја искористите и водата во која се вареле глуварчето и копривата искористите – откако ќе ја процедите испијте ја со малку исцеден лимон.

Во ова јадење можете да додадете и малку фета сирење, домати и салата веќе е на маса.

4. Вода со лимон

На грчки, лимонот се нарекува лимонија. Овој популарен цитрус е суштинска состојка во секоја детоксикација, не само во грчката детоксикација.

Лимонската киселина ги штити функциите на црниот дроб. Со едноставно додавање на исцеден лимон во салати и други јадења, ќе помогнете во регулирање на крвниот притисок и елиминирање на воспалителните процеси во телото.

Во Грција се јаде свеж и како додаток на морска храна и јадењата на скара, салата или варен зелен зеленчук.

Подготовка: наутро на празен стомак, пијте вода со додавање на исцеден лимон и неколку кришки лимон.

Оваа здрава навика на консумирање напиток со лимон рано наутро поттикнува добро варење на храната, го подобрува менталното здравје и помага на испирање на токсините од организмот.

5. Грчки чаеви за чистење на организмот

Со цел дополнително да се поттикне елиминацијата на токсините од телото, покрај сето горенаведено, можете да консумирате и чаеви направени од растенија кои одлично виреат на Медитеранот.

Тоа се, меѓу другите, анасон, жалфија, мајчина душица, медицински мелиса и планински чај (лат. Sideritis syriaca).

Подготовка на чај од анасон: 1 лажичка сушено семе од анасон прелијте со врела вода. Прекријте и оставете да отстои 10 минути. Процедете и пијте три пати на ден, пишува „Алтернатива за Вас“.