Бруно Фернандеш и вчера имаше клучен реализаторски ефект во триумфот на Манчестер Јунајтед во Лига Европа, а по осминафиналната пресметка открил дека последното лето имал опција за разделба со „црвените ѓаволи“.
Португалскиот репрезентативец пред медиумите објаснил дека имал конкретни разговори со раководството и од истото добил цврсти гаранции, кои му биле доволни да донесе решение да остане на „Олд Трафорд“.
– Седнавме на маса со претставници на клубот бидејќи имав конкретна понуда, зборувавме за тоа дали е подобро да останам или заминам.
– Тие ми кажаа што очекуваат од мене, а моето единствено прашање беше дали ме гледаат како дел од иднината на клубот или не.
– Тогаш зборував и со Тен Хаг, беше максимално јасен, исто како и клубот, сметаа дека ќе имам важен дел од оваа фаза на реконструкција, – изјавил Бруно.
