Актерката Елен Помпео гостувала во шоуто на Џенифер Хадсон, каде се потсетила на пријателството со Тејлор Свифт. Инаку музичката суперѕвезда е позната по тоа што една од своите мачки ја именувала по Мередит Греј, ликот од серијата „Вовед во анатомија“ кој го толкувала Помпео. Подоцна, Помпео се појавила и во спотот на Свифт за песната „Bad Blood“ со низа други холивудски ѕвезди.
Во текот на интервјуто Елен раскажала дека Свифт во една прилика донирала значителна сума за хуманитарни цели - и тоа без многу размислување. „Во тоа време, мојот сопруг Крис и јас многу волонтиравме во Детската болница во Лос Анџелес“, рекла таа.
„Тие прават музика за бебиња на интензивна нега“
„Тие имаат неверојатна програма каде што прават музика за бебиња во одделот за интензивна нега. Родителите кои треба да работат цел ден се снимаат како пеат приспивни песни или раскажуваат приказни, а потоа тоа им се пушта на бебињата додека родителите се отсутни. Бебињата реагираат на тоа и нивниот исход е подобар", додала актерката.
Помпео нагласила дека програмата бара значително финансирање: „Ја прашав Тејлор: „Можеш ли да ми напишеш голем чек за детска болница?, а тогаш таа ме познаваше буквално 20 минути. Но без оглед на тоа, таа девојка без да трепне ми напиша огромен чек“.
„Снимањето беше најлесната работа“
За време на интервјуто со Хадсон, Помпео спомна и дека поминала само час или два на снимањето на спотот за „Bad Blood“, а снимала сцена со Мариска Харгитај, позната по нејзината улога во серијата „Закон и ред“.
Watch on TikTok
Интересно е што Свифт има уште една мачка именувана по ликот на Харгитај - Оливија Бенсон. Помпео со насмевка заклучи дека снимањето било „најлесната работа“.
