[ВИДЕО] Апокалиптични сцени, пепелта се крева до три километри во воздух – Издадено предупредување од трет степен по ерупција на вулкан во Јапонија

Според Јапонската метеоролошка агенција (JMA), ерупцијата започнала од кратерот Минамидаке, при што биле забележани драматични облаци од чад и пепел кои се кревале високо во небото.

На видеоснимка објавена од „Newsweek“ е забележан импресивниот момент кога густ облак од пепел се надвиснал над вулканот.

"JMA" издаде предупредување од трет степен, што значи дека граѓаните треба да се држат подалеку од вулканот, бидејќи постои зголемена опасност.

Се очекува пепел да паѓа врз околните области, вклучувајќи делови од префектурите Кагошима, Кумамото и Мијаѕаки.

Засега нема информации за повредени лица или значителна материјална штета, но властите продолжуваат будно да ја следат ситуацијата.

Снимките од ерупцијата на Сакураџима брзо станаа вирални, предизвикувајќи бројни реакции на социјалните мрежи, каде корисниците споделуваат и коментираат драматични сцени од природната стихија.