Индиските медиуми објавија дека еден патник ја преживеа авионската несреќа на Ер Индија на летот од Ахмедабад до Лондон, а лицето е идентификувано како британско-индиски државјанин Вишваш Кумар Рамеш.
Тој тврди дека ја преживеа авионската несреќа во Ахмедабад, а го опиша и моментот на падот на авионот.
Vishwashkumar Ramesh, a British citizen, is the sole survivor of Air India Flight 171. pic.twitter.com/gEkc995KYY
— NEXTA (@nexta_tv) June 12, 2025
Во разговор за весникот „Хиндустан тајмс“, Рамеш рече дека слушна „силен звук“ околу 30 секунди по полетувањето, пред авионот да се сруши, објави „Скај њуз“.
„Сè се случи толку брзо“, рече тој, додавајќи дека претрпе „повреди од удар“ на градите, очите и стапалата.
„Кога станав, тела беа насекаде околу мене. Бев исплашен. Станав и истрчав. Имаше делови од авионот околу мене. Некој ме зграпчи, ме стави во амбулантно возило и ме однесе во болница“, додаде тој.
Тој за индиските медиуми изјави дека живеел во Лондон 20 години. Рече дека неговиот брат Аџај седел во вториот ред од авионот.
На социјалните мрежи се шири видео на кое се гледа како маж поткривнувајќи оди од местото на несреќата и го водат кон службите за итни случаи, а се вели дека е преживеан.
