Ливерпул веќе детонираше една голема трансфер бомба со ангажманот на Флоријан Вирц од редовите на Баер Леверкузен, но како што стојат работите, и третото големо и звучно засилување за Арне Слот ќе пристигне од Бундеслигата.
По трансферите на Фримпонг и Вирц, Ливерпул рано утрово ги договорил условите за Иго Екитике, по што Ајнтрахт Франкфурт ќе заработи вртоглава сума на пари за продажбата на својот досегашен напаѓач.
Во ситуација кога Њукасл одби да преговара за Александер Исак, Ливерпул целосно се насочи кон Французинот и го издвои како мета број еден, а поселдните информации кои доаѓаат од угледни извори се дека англискиот шампион и дефинитивно ја комплетирал зделката.
🚨🧨 BREAKING | Hugo #Ekitike to Liverpool is considered a done deal!
— Florian Plettenberg (@Plettigoal) July 20, 2025
A full agreement with Eintracht Frankfurt in principle has now been reached after new talks today. Transfer fee: €95 million with add-ons included.
Contract until 2031. Medical to take place soon. The next… pic.twitter.com/32eeISDuCy
Германскиот новинар Флоријан Плетенберг излезе со ексклузива за договорот кој го постигнале Ливерпул и Ајнтрахт, според кој бундеслигашот може максимално да инкасира дури 95 милиони евра (80 фиксни и 15 во вид на бонуси).
Оваа информација брзо ја потврдија и релеватни извори од Англија, кои исто така додаваат дека договорот ќе биде во важност до 2031-ва година, а лекарските прегледи ќе се одржат во првите неколку дена од наредната недела.
