Клои Питерсон, која била на одмор, ја снимила кратката конфронтација во плитките води покрај плажата Панама Сити утрото на 31 јули.

Снимката го прикажува моментот кога перките и опашката на ајкулата се појавиле над површината на водата, додека истовремено перките на големата ража биле видливи на површината.

По кратката конфронтација, ајкулата и ражата си заминале на различни страни.

Според NOAA (Национална океанска и атмосферска администрација), интеракциите меѓу ајкулите и ражите не се невообичаени, со оглед на тоа што двата вида се месојади.

Биолозите истакнуваат дека ајкулите понекогаш можат да се хранат со ражи, но не е јасно дали ајкулата на снимката имала намера да го стори тоа.

Сè уште не е познато на кој вид припаѓа, но црноперките ајкули, ајкулите „spinner“, бик ајкули, лимон ајкули, тигрестите ајкули и ginglymostoma cirratum често се среќаваат во водите на Мексиканскиот Залив.

Флорида „главна престолнина на напади од ајкули“

Меѓународната база на податоци за напади од ајкули на Природонаучниот музеј на Флорида регистрирала 88 интеракции меѓу ајкули и луѓе низ целиот свет во 2024 година, од кои 47 биле класифицирани како неиспровоцирани напади.

Флорида со години ја носи неславната титула „светска престолнина на напади од ајкули“, а централниот дел од државата честопати води во однос на бројот на регистрирани средби, пренесе „Fox Weather“.

Експертите нагласуваат дека плимата, присуството на плен и бројот на капачи во водата значително влијаат на фреквенцијата на вакви инциденти.

Иако секоја година се пријавуваат неколку десетици каснувања од ајкули, смртните случаи се ретки. Последниот фатален напад од ајкула долж брегот на Флорида се случил во 2010 година.

На многу плажи, спасувачите користат виолетови знамиња за да предупредат за присуството на опасни морски животни, вклучувајќи медузи, ражи и ајкули.