Новиот тренер на Јувентус, Лучано Спалети, ќе мора да ја отстрани својата тетоважа доколку навистина сака да седне на клупата на торинскиот клуб.
Тоа е ставот на навивачите на „Старата дама“, кои се многу остри по прашањето на тетоважата на италијанскиот тренер – на неа е истетовиран грбот на Наполи.
It’d be hilarious if Spalletti coaches Juventus with a Napoli tattoo pic.twitter.com/ZGbxXbOAWB
— Italian Football TV (@IFTVofficial) October 27, 2025
Спалети ја направил тетоважата по освојувањето на титулата со клубот од југот на Италија.
На навивачите на Јувентус тоа воопшто не им се допаѓа, па му поставиле ултиматум: италијанскиот стратег мора итно да ја отстрани тетоважата доколку сака да го води тимот.
Новиот тренер на црно-белите потпиша договор до крајот на јуни 2026 година, со опција за автоматско продолжување на соработката доколку со Јувентус избори пласман во Лигата на шампионите.
