Екипата на Сан Антонио Спарс издвојува уште една победа над актуелниот НБА шампион Оклахома Сити Тандер.
Пред десеттина дена составот од Тексас славеше над ОКЦ во полуфиналето на НБА Купот, а рано утрово во својот дом го реши истиот овој ривал со 130:110.
Домаќините беа расположени за игра, а најдоброто од нив дојде во завршните 12 минути кои ги реализираа со 43:28. Вембањана на ова соочување постигна скромни 12 поени за него, но затоа резервистот Џонсон уфрли 25 и беше лидер во оваа победа.
Кај поразените Шеј немаше соодветна поддршка и залудни беа 33 поени од негова страна.
Лос Анџелес Лејкерс претрпе уште еден убедлив пораз, односно по Клиперс ги надигра и Феникс Санс. Тимот од Аризона воден од своите навивачи славеше со 132:108 во меч во кој комплетната стартна петорка беше двоцифрена. Брукс беше прв стрелец со 25 поени, Букер запиша дабл-дабл од 21 поен и 11 асистенции.
Џејмс со 23 беше прво име кај гостите за кои поради повреда не настапи Дончиќ.
РЕЗУЛТАТИ
Шарлот – Вашингтон 126-109
Филаделфија – Бруклин 106-114
Атланта – Чикаго 123-126
Кливленд – Њу Орлеанс 141-118
Индијана – Милвоки 94-111
Мајами – Торонто 91-112
Далас – Денвер 131-130
Минесота – Њујорк 115-104
Сан Антонио – Оклахома 130-110
Феникс – ЛА Лејкерс 132-108
Јута – Мемфис 128-137
Портланд – Орландо 106-110
Сакраменто – Детроит 127-136
ЛА Клиперс – Хјустон 128-108
Денес
