Гвардиола: Не спиев поради обидот да смислам генијален план за полуфиналниот противник

Манчестер Сити ќе му биде гостин на Њукасл во првата од двете полуфинални пресметки, а фактот што „страчките“ се навистина силни и незгодни на „Ст. Џејмс парк“ го натера Пеп Гвардиола да даде и вирална изјава.

Еди Хау во најавата за полуфиналињата посочи дека Манчестер Сити е најтежок можен ривал за двомеч во Куп натпреварување (се игра и реванш во месец февруари), па така Гвардиола доби прашање дали смислил специјален план за својот колега.

– Не спиев цела веќер во обидот да смислам генијален план за игра против Еди Хау……., – иронично во свој стил порача Гвардиола, кој смета дека непотребно се играат по два натпревари во полуфиналињата.

– Го кажав тоа уште пред десет години кога го освоивме првиот Карабао Куп. Сметам дека треба да се игра по еден натпревар во полуфиналињата, – изјави Шпанецот.