[ФОТО] Половен автомобил којшто не знае што е снег: Се вози секаде, а може да се најде и за 1.500 евра

Сепак, еден половен теренец и натаму важи за сигурен избор во зимски услови и тоа по цена која денес е вистинска реткост.

Станува збор за „Lada Niva“, легендарниот руски 4х4 модел којшто и децении по претставувањето се смета за еден од најбезбедните автомобили за снег и лош терен. Неговата репутација не е маркетинг трик туку резултат на едноставни, но исклучително ефикасни конструкции.

Клучната предност на овој автомобил е постојаниот погон на сите четири тркала, со можност за редукција за тешки услови. За разлика од модерните SUV модели кои се потпираат на електрониката тука сѐ е механички решено, што значи подобра контрола на снег и мраз и помалку изненадувања во возењето.

Дополнителен плус е и краткото меѓуосовинско растојание и малата маса поради што „Niva“ лесно се провлекува низ длабок снег и тесни селски патишта.

Голема предност за купувачите е тоа што овие автомобили евтино се одржуваат. Едноставната механика значи дека дефектите не се комплицирани, а деловите се достапни и релативно поволни, што е важно доколку автомобилот се користи секојдневно во текот на зимата.

На пазарот на поволни автомобили „Lada Niva“ може да се најде и за околу 1.500 евра, главно постари примероци со поголема километража.