Потекло и карактеристики

Урмите потекнуваат од палмата Феникс дактилифера, која почнува да раѓа по три години, а може да живее и до 300 години. Плодовите се слатки и сочни, достапни свежи или сушени, и се користат самостојно или како додаток во јадења, салати, печива и смути напитоци. Сушените урми имаат повисок процент шеќер и повеќе енергија.

Нутритивни предности

Имаат висок процент природни шеќери и калории, со низок удел на масти и протеини.

Извор се на калиум, витамини А и Б-комплекс, влакна и танини со антиоксидативно и противвоспалително дејство.

Помагаат при замор, запек и во одржување здрав метаболизам.

Како да се консумираат

Отстранете ја семката и јадете ги свежи или сушени. Може да се додаваат во печива, јогурт, салати или смути напитоци.

Препорачаната порција е 2 – 3 урми (околу 40 г), најдобро како појадок или меѓуоброк.

Контраиндикации

Не се препорачуваат кај дијабетес и при нискокалорични диети.

Може да предизвикаат алергиски реакции кај чувствителни лица, најчесто во форма на иритација на грлото и чешање во устата.

Умерената консумација на урми може да биде вкусен и здрав додаток во исхраната, но претерувањето може да го зголеми нивото на шеќер и калории.