[ВИДЕО] Кинезите му приредиле технолошки перформанси на Мерц: Организирале борба на роботи
Германскиот канцелар Фридрих Мерц денеска престојува во Хангџоу, каде што посетил изложба на роботи и присуствувал на демонстрации на нивните вештини, вклучувајќи танцување, борби и движења со рацете.
Мерц е во дводневна посета на Кина и пристигнал во придружба на раководители од 30 германски компании, вклучувајќи ги водечките производители на автомобили „Фолксваген“ и „БМВ“, кои чувствуваат сè посилен притисок од кинеската конкуренција, што дополнително влијае врз растечкиот трговски дефицит.
На изложбата биле прикажани роботи кои танцуваат, се борат во боксерски ринг и демонстрираат прецизни движења на рацете и креативни способности, вклучувајќи и пишување кинески знаци со четка. Канцеларот Мерц и присутната публика со воодушевување ги следеле сите демонстрации.
Кина настојува да се претстави како сигурен економски партнер, додека Европа балансира во нови, помалку предвидливи односи со Вашингтон и продолжува да ги решава ранливостите во своите синџири на снабдување, кои станаа видливи минатата година.
