Американските разузнавачки агенции проценуваат дека Иран сè уште ја одржува контролата врз својата земја и дека иранската влада не е во непосредна опасност од колапс, дури и по речиси две недели од бомбардирањето на САД и Израел, изјавија три извори запознаени со ситуацијата, пренесува Танјуг.
Извештаите покажуваат дека раководството на Иран останува кохерентно и дека режимот е во состојба да ја одржи контролата врз јавноста, и покрај атентатот врз врховниот лидер Али Хамнеи и смртта на десетици високи функционери, вклучувајќи ги и командантите на Корпусот на Исламската револуционерна гарда (ИРГЦ), објави Ројтерс.
Според проценките на американските разузнавачки агенции, ИРГЦ и привремените лидери кои ја презедоа власта продолжуваат да ја контролираат земјата.
