Бесмислените и неодговорни постапки на САД и Израел се закануваат да ги вовлечат земјите од Каспискиот регион во конфликт околу Иран, изјави Марија Захарова, портпаролка на руското Министерство за надворешни работи, по ракетниот напад врз пристаништето Бендер Ензели.
Таа истакна дека се засегнати и економските интереси на Русија и другите земји во регионот.
Споменатото пристаниште е најголемо во регионот и претставува важен трговски и логистички центар и за руско-иранските трговски односи, вклучително и за прехранбените производи.
„Москва со зголемена загриженост го следи проширувањето на областите погодени од ракетните напади и бомбардирањата од страна на Израел и САД. Американско-израелската коалиција додава масло на огнот што самите го запалија на Блискиот Исток, ширејќи го сè повеќе и повеќе“, рече Захарова, уште еднаш повикувајќи на прекин на непријателствата и дипломатско решение на проблемот, пренесува Спутник.
Денес
