Шпанскиот премиер Педро Санчез, еден од најгласните западни критичари на војната против Иран, реагираше на објавата за примирје со остра порака.
„Примирјата секогаш се добра вест, особено ако водат кон праведен и траен мир“, напиша тој на социјалната мрежа X, по што додаде:
„Но, ова тековно олеснување не смее да нè натера да го заборавиме хаосот, разурнувањето и изгубените животи. Шпанската влада нема да аплаудира на оние што го запалија светот само затоа што се појавиле со кофа вода. Сега се потребни дипломатија, меѓународно право и мир.“
Санчез ги осуди американско-израелските напади врз Иран како „неоправдани“ и „опасни“, нагласувајќи дека ставот на Шпанија е „не на војната“.
Шпанската влада не дозволи американските сили да ги користат поморската база Рота и воздухопловната база Морон во јужна Шпанија за операции против Иран, што предизвика закани од американскиот претседател Доналд Трамп за прекин на трговските односи.
Дополнително, Мадрид го затвори и својот воздушен простор за американски авиони кои учествувале во нападите врз Иран.
