Џонатан Карл, дописник на ABC News од Вашингтон, објави на Икс дека разговарал со американскиот претседател Доналд Трамп. Трамп му рекол дека не размислува за продолжување на прекинот на огнот (кој истекува следниот вторник), оценувајќи дека нема да има потреба од тоа. Тој најави дека претстојат возбудливи настани. „Мислам дека нè очекуваат два неверојатни дена“, рече тој. „Навистина сум убеден во тоа“.
На прашањето дали војната ќе заврши со договор или едноставно со објавување на уништување на воените капацитети на непријателот, Трамп одговори дека двата исхода се можни. „Може да заврши на кој било начин, но мислам дека договорот е подобра опција бидејќи им овозможува да се обноват“, објасни тој. „Тие навистина сега имаат поинаков режим. Во секој случај, ги отстранивме радикалите. Тие се заминати“, додаде тој.
Maria Bartiromo: Is the Iran war over?
— Clash Report (@clashreport) April 15, 2026
Trump: I think it’s close to over. Yeah. I mean I view it as very close to over.pic.twitter.com/sGtTe3zOXt
Тој, исто така, изнесе тврдење за сопствената улога во глобалната политика. „Да не бев претседател, светот ќе се распаднеше“, заклучи Трамп.
Трамп изјави за Фокс њуз дека војната со Иран е „многу блиску до завршување“, повторувајќи слични тврдења што ги даде во последните недели.
Во интервју за Фокс бизнис, кое треба да се емитува во среда, американскиот претседател исто така рече дека Техеран е „очаен“ да постигне договор. „Мислам дека е блиску до завршување. Да, мислам дека е, мислам дека е многу блиску до завршување“, изјави Трамп за Фокс.
