На својот официјален ТикТок профил, Џејкобс споделил видео со наслов „… И јас сум купувач“, кое за кратко време стана вирален хит со милиони прегледи и лајкови.

Останал непрепознат

Џејкобс влегол во една од сопствените продавници на аеродром, каде што од забава решил да се однесува како обичен купувач. Продавачката до самиот крај не го препознала и го третирала како секој друг купувач. Џејкобс пробувал сопствен накит и неколкупати се пошегувал дека понудата „не е лоша“.

„Да видиме дали можеме да стигнеме до крај, а таа да не сфати кому му помага“, рекол Џејкобс во видеото.

На самиот крај, дизајнерот ѝ се претставил на продавачката, која не била претерано воодушевена, што предизвикало лавина шеговити коментари.

Објавата за кратко време стана вирален хит, собирајќи повеќе од 7,5 милиони прегледи и 6.300 коментари за само два дена од објавувањето.

Под видеото се појавија бројни шеговити коментари како: „Мислам дека не знаеше кој си дури ни кога ѝ се претстави“, „Нема попуст за вработени???“, „Таа беше во стилот: ’О, здраво Марк. Баш слатко. Оваа продавница се вика Марк Џејкобс‘“.