Енрике Рикелме ги најави Раул Гонзалес и Фернандо Јеро како две легенди кои треба да го водат спортскиот проект на Реал Мадрид, но противкандидатот на Флорентино Перез сега ја објави и веста која сите ја чекаа, односно најавеното „Галактико“ засилување.
Доколку младиот претприемач победи на претседателските избори кои ќе се одржат во недела, ветува дека Реал Мадрид ќе фати сосема поинаков правец и дека ќе се доведе „тренер кој сите го сакаат“, но покрај ангажманот на Родри, откри дека има потпишан нотарски акт за ангажман на Ерлинг Халанд.
Рикелме бара од сосиосите да му се доверат и да му дадат шанса да ги врати вистинските вредности на Реал Мадрид, а за него извонреден старт на проектот ќе биде ангажирање на супер ѕвезда како Халанд од Манчестер Сити.
🆕 Riquelme asegura que HAALAND será jugador del REAL MADRID si gana las elecciones.
— El Chiringuito TV (@elchiringuitotv) June 3, 2026
💸 Se compromete a pagar la cuota anual de todos los socios si incumple sus promesas.
vía @El_Hormiguero pic.twitter.com/a0KFyCJFDB
– Пристигнав со нотарски заверен документ и го покажувам тука јавно. Клубот нема да биде продажба, клубот ќе остане на неговите членови, на сосиосите. Се обврзав да потпишам лична банкарска гаранција за двајцата играчи кои ги ветив. Првиот е Родри, а вториот е Халанд!
– Ако не успеам да ги доведам, ќе платам 100 проценти од чланарината на сите 100 илјади членови кои ги има Реал Мадрид. Халанд има клаузула во својот договор за Реал Мадрид и сака да дојде кај нас, – порача Рикелме во разговорот со Пабло Мотос, познатиот новинар кој ја води емисјата „Ел Ормигеро“.
