Швајцарија и Катар ремизираа откако азиската селекција постигна гол длабоко во судиското надополнување, но уште во текот на натпреварот се појавија многу коментари околу начинот на кој Швајцарија доби пенал во првиот дел.
Голманот на Катар несомнено го фаулираше Фројлер, но голем број фанови, па и новинари, тврдеа дека имало офсајд во акцијата, односно Фројлер бил во недозволена ситуација и пеналот требало да биде поништен.
Ваквата теорија дополнително беше надополнета и со фактот што реализаторот на преносот не прикажа графичка потврда за ВАР проверката на евентуалниот офсајд, па остана впечатокот дека Катарците можеби биле и оштетени поради несоодветната реакција на судиите во ВАР собата.
During the Qatar vs. Switzerland match in the San Francisco Bay Area, a brief technical outage prevented the onside animation graphic from being generated ahead of the penalty awarded to Switzerland in the 14th minute. The issue was quickly resolved.
— FIFA Media (@fifamedia) June 13, 2026
The workflow of the VAR was… pic.twitter.com/ONpWxXDPE6
Работата отиде дотаму што мораше да реагира и ФИФА, која не влезе во демант на ваквата теорија, туку дипломатски објави дека графиката не била прикажана поради технички причини, но судиите во ВАР собата непречено си ја вршеле работата и правилно утврдиле дека немало офсајд, притоа понудувајќи исечок од проверката.
