Разговорот со Доналд Трамп, меѓутоа, не бил пријатен како во некои претходни ситуации, бидејќи претседателот на Соединетите Американски Држави си зел за право да го коментира неговиот брак.

Според пишувањата на странските медиуми, по пристигнувањето во Франција, Трамп накратко му подал рака на Макрон, а потоа ѝ пришол на неговата сопруга Брижит Макрон, ја бакнал двапати и се ракувал со неа дури 13 секунди, цело време зборувајќи ѝ.

„Сè што прави тој е толку комично“, „Брижит Макрон би сакала да биде каде било во светот, само не покрај тој човек“, „Погледнете само како Макрон нервозно се смешка меѓу нив“… се дел од коментарите на Икс.

Без разлика дали тоа што луѓето го коментираат е вистина или не, ова секако не изгледало премногу пријатно за францускиот претседателски пар, а непријатното ракување се случило откако Трамп во април, на еден приватен настан, ја обвинил првата дама на Франција дека кон својот сопруг Емануел се однесува „исклучително лошо“.

Макрон подоцна истакнал дека коментарите на американскиот претседател не биле „елегантни ниту примерни“.

Односот на Трамп и Макрон секогаш привлекува внимание

Ова не е првпат ракувањето на Трамп со Макронови да биде тема во светските медиуми.

Нивната прва средба во 2017 година ја одбележал цврст стисок, кој исто така траел долго, а медиумите и аналитичарите го протолкуваа како нивен начин да си ги измерат силите.

Кога ја запознал неговата сопруга Брижит Макрон, пред својата сопруга Меланија ѝ рекол дека е „во толку добра форма“, а секогаш делувал импресионирано од француската прва дама и долго се ракувал со неа.

За време на своите претседателски мандати, тие често делувале многу срдечно еден кон друг, но имале и моменти на големи несогласувања.

Во последно време тоа е случај со прашањата поврзани со војната во Украина и нападите врз Иран, кои ги оптоварија односите меѓу Париз и Вашингтон, но пред сè односите меѓу Трамп и Макрон.