Плажата Јасмин Хамамет во Тунис, која се наоѓа на северниот брег на земјата покрај Средоземното Море, е рангирана на првото место меѓу најубавите плажи во светот, според студијата на европската туристичка компанија „TUI“ и „Travel + Leisure“. 

Високата позиција ја заслужила поради длабоко сината вода, единствениот златен песок и нискиот степен на видлива бетонизација на крајбрежјето. Особено високо е оценета поради осветленоста на песокот.

На второто место се најде плажата Ичмелер во Турција, за која компанијата наведе дека некогаш била рибарско село пред да биде претворена во популарно летувалиште. Плажата се наоѓа во уникатен залив опкружен со планини и се одликува со богата сина боја на водата и простран златен песок.

На третото место е плажата Редуит на Света Луција.

„Убавината на плажите и понатаму е еден од главните мотиви кога луѓето избираат дестинација за одмор, бидејќи претставува врвно чувство на бегство. Забележуваме дека патниците природно ги привлекуваат бистрите сини води, мекиот златен песок и светлите крајбрежни пејзажи, бидејќи тие сцени веднаш создаваат чувство на опуштеност“, изјави Абигејл Хед, агент на „TUI“.

„Особено е интересно што ова истражување покажува дека убавината на плажата може да се мери преку реални визуелни елементи, од водата до природната рамнотежа на крајбрежјето. Дестинациите што комбинираат кристално чисто море, топли тонови на песокот и недопрен пејзаж доследно се издвојуваат како места за кои луѓето најмногу сонуваат“, додаде таа.

За рангирањето биле анализирани повеќе показатели:

• осветленоста на водата и песокот,
• длабочината на океанот,
• составот на плажата.

Топ 10 плажи во светот според „TUI“:

1. Плажа Јасмин Хамамет, Тунис

2. Плажа Ичмелер, Турција

3. Плажа Редуит, Света Луција

4. Плажа Белек, Турција

5. Плажа Циливи, Грција

6. Плажа Ѓундогду, Турција

7. Плажа Кадрије, Турција

8. Плажа Наама Беј, Египет

9. Плажа Врисудија, Кипар

10. Плажа Кавра Поинт, Малта